oh k rotcha nú kê bo boca!
m sabê k el tem tud frase
m sabê k el tem tud sabor...
kónd bo te tcham bshti bo boca, tão rotcha nú
ka tem ropa k m te podê shkui...
aonte m dál um bshtid de folh,
góshturdia dám vontade de tchám quse nú sima kêl ê...
ess rotcha trançód k ess nú
ê um trança k inda m k kabá de bshti...
mandám tud bush mantenha
tud bush recód, um mar chei de espuma,
um qualquer minut soluçód,
atê um estranhésa, atê um bafatada... mandám ish maor, ish calor,  ish suor, um fim de linha, um tristeza... mandám!!!
ma mandám recód pe bá bshti bo boca
pe bá lobedá ness estrela, ness montanha... mandám!
m te dób um, dosh... m te dób um carrada de ropa pe bo boca má, tchál nú pe m bá bshtil tud dia, tud hora...
bo uvim?
pô bo oreia lissim, pô!
põ tchám contób dish cosa ê k te movêm, dish cosa k te trazêm li, k te fazêm andá, k te fazêm cantá...
má dposh...
tchám bshti bo boca, tão rotcha nú!